Passíusálmur: 17. sálmur
Þetta lag er frá þýska laginu „Vater im höchsten Thron“ frá 1531. Það er prentað í Hólabókum 1589 og 1619 en kemur ekki fyrir í Grallara fyrr en í 11. útgáfu. Lagið er ekki nákvæmlega eins í Hólabókunum.
Í Sálmasöngsbók 1936 er í efnisskrá fyrir 17. Passíusálm vísað á þennan lagboða nr. 25. Í Sálmabók 1972 er í sálmi nr. 279 með versum úr 17. Passíusálmi (17., 21., 22., 23., 24. og 27. vers) vísað til þessa lagboða í Sálmasöngsbók 1936. Í Sálmabók 1997 er sama lag og íSálmasöngsbók 1936.
Laggerð Benedikts Sigurðssonar er eina þjóðlagið sem ég hef undir höndum við þennan sálm. Það er mjög skylt frumgerðinni en þó eru nokkur frávik í henni. Lag Bjarna Þorsteinssonar í bókinni Íslenzk þjóðlög (s. 740) líkist frumgerðinni en hefur þó undarleg frávik.
Við niðurskrift nótnanna var stuðst við söng Benedikts Sigurðssonar (fæðingarár ekki þekkt) frá Flatey á Mýrum, A-Skaftafellssýslu. Upptaka: Ríkisútvarpið um 1947. Tóntegund: Lydísk.
Texti og nótur: © Smári Ólason 1998–2001.